II केवळ तू II

II केवळ तू II

देखोनिया रूप तुझे भासे..
तुझ पुढे सारे जग खुजे..
नित्य मनी ध्यास तुझा..
नाही मनात काही दूजे..!!

संशय तो कसला तुज..
नि:संशय हृदय अर्पिले..
मन पाखरू बघ कसे..
तुज भोवतीच भिरभिरले..!!

विसर ना पडला कधी..
आठवणीच काय सांगते..
तुज शिवाय हे जीवन..
मज रिते रिते भासते..!!

बोललो ना काही जरी..
नयन भाषा नित्य बोलतो..
कळेना का तुझ काही..
स्वप्नी सारे सांगू पाहतो..!!

ना कळले कधीच तुला..
प्रेंम खरे काय असते..
ध्यानी मनी केवळ तू..
तूच माझ्या स्वप्नी वसते..!!

*चकोर*

// एकदिन का राजा //

// एकदिन का राजा //

एक दिन का राजा हूँ मै..
नाम है मेरा मतदार..
आवभगत करते मेरी..
हर एक उम्मीदवार..!!

नजराने लाते हात जोड़ते..
कहते सब समजदार..
बिन मांगे सबकुछ देते..
भरा रहता दरबार..!!

व्होट मै उनको देता..
चुनवाता हू उम्मीदवार..
एक दिन का राजा मै फिर..
भटकता हू द्वारो द्वार..!!

गायब होते सारे नेता..
ना जाने छुपते किधर..
दंग मै रह जाता देख..
सिंग गधे के सर पर..!!

ढूंड़ता फिरू सालो साल..
ना मिलती कोई खबर..
हाथ जोड़ता उनको मै..
ना करते मेरी कदर..!!

गेंडे जैसी खाल है उनकी..
जाता खाली हर एक वार..
जाच परख के देखो भाई..
तुम हर एक उम्मीदवार..!!

*चकोर*

 

// मन वारा //

// मन वारा //

मन कधी झुळूक वा-याची..
फुंकर हळुवार स्पर्शून जाई..
उलथवे कधी मन मानस..
मन वादळ बनोनी येई..!!

क्षणात उंच घेते भरारी..
क्षणात गिरकी खाली घेई..
कधी मन भिरभिर भवरा..
शांत कधी संयमी होई..

निरंतर वारा वाहे मन..
ठाव न त्याचा कोणी घेई..
मन अथांग सागर चंचल..
रसरत्ने वसती त्याच्या ठाई..!!

*चकोर*

II खेळ भातुकलीचा II

II खेळ भातुकलीचा II

खेळ रंगला भातुकलीचा..
राजाचा अन राणीचा..
दोन घडीचा डाव सजला..
स्वप्ने नयनी दाटलेला..!!

नकळे कोणी डाव मोडला..
का रागाचा पारा चढला..
गैर समजुतिचा खेळ सारा..
दोघे गेले दोन दिशेला..!!

कुठे राजा कुठे राणी..
आता डोळा उरले पाणी..
काय म्हणावे दैव गतीला..
रंग बदले क्षणा क्षणाला..!!

होता जरी डाव मोडला..
परी पुरता मनात राहिला..
निमित्त आता तेच आहे..
नित्य तुज आठवायला..!!

*चकोर*

// मुख चंद्र //

// मुख चंद्र //

रात काळी नभ खाली..
विरह हा मज सहेना..
लक्ष चांदण्या भोवताली..
चंद्रा तुज विन करमेना..!!

वेड लावले मज चंद्राने..
तेजाळ त्या मुखड्याने..
मुख पदराआड लपवता..
चोरटा कटाक्ष टाकणे..!!

कळेना मज तुझे वागणे..
हृदय माझे असे जाळणे..!!
अल्लड लपंडाव खेळता..
नजरेने मग घायाळ करणे..!!

अवचित तुझे लुप्त होणे..
मुश्किल करी माझे जिणे..
अवस भासे मज रात..
सुने सुने सारे तराणे..!!

*चकोर*

II अर्धांगिनी II

II अर्धांगिनी II

हे बंध कधी तुटायचे..
नाही मज तोडायचे..
आपले म्हणून फुलावे..
का तू कुस्करावे..
सख्या काय तुज म्हणावे..!!

कर्तव्य किती सहायाचे..
ना झुगारून द्यायचे..
क्षण क्षण मी झिजावे..
का तुज मोल नसावे..
सख्या काय तुज म्हणावे..!!

उपमेत किती जगायचे..
ना उपेक्षित राहायचे..
लक्ष्मी बोल गौरवावे..
का पायदळी तुडवावे..
सख्या काय तुज म्हणावे..!!

अर्धांगिनी मी मिरवायचे..
नाही दूर व्हायचे..
माहेर सासर तोलावे..
सांग कसे मन जोडावे..
सख्या काय तुज म्हणावे..!!

*चकोर*

II उपरती II

II उपरती II

माणुसकीची उपरती माणसाला, एखाद्या माणसाच्या अंत्ययात्रेत सहज प्राप्त होते. जीवनाचे खरे सार त्याला तिथेच अवगत होते. म्हणजे आपण काय आणले होते काय घेऊन जाणार, आयुष्यभर धावपळ करून पैसा कमावला कुठे कामी आला वैगैरे वगैरे.
अगदी आयुष्यात कधीही न बोललेल्या माणसाला सुद्धा तिथेच कंठ फुटतो आणि तो आपले अमोघ ज्ञान सर्वाना दान करत सुटतो.
पण हे सारे ब्रह्मज्ञान औटघटकेचे ठरते. एकदा का मृत शरीराचे सर्व सोपस्कार पार पडले की पुन्हा माणसाचे ये रे माझ्या मागल्या असे होते. मग कसली माणुसकी आणि कसले काय. पैश्याला इथे फुटतात पाय. आणि माणूस अविरत त्या मागे नुसता धावत रहातो अखेरच्या श्वासापर्यंत....

*चकोर*

II आठवणीचा ठेवा II

II आठवणीचा ठेवा II

तुझ्याच आठवणीचा सखे..
बघ जपलाय ग ठेवा..
तू नाकारालेल प्रेम इथे..
आता घेतय ग विसावा..!!

खुडल्या त्या पानात बघ..
अजून आहे तोच ओलावा..
पिकल्या त्या पानाचा सखे..
बघ देठ की ग हिरवा..!!

अचेत पडलंय प्रेम सखे..
तेवतोय ग आशेचा दिवा..
विझवून जाई बघ क्षणात..
तुझ्या प्रेमाची ग ती हवा..!!

उलघडला ग आज अचानक..
आठवणीचा तो अमोघ ठेवा..
अमृत कुंभ हा जतन केला..
संजीवनी देई ग मम जीवा..!!

*चकोर*

II प्रेमात सखे II

II प्रेमात सखे II

प्रेमात सखे..प्रश्न का असावे..
विश्वासे घ्यावे..तू कवेत विसावे..!!

क्षण विस्कटले.. आता कसे म्हणावे..
असता तू सवे..का क्षण विस्कटावे..!!

अश्रू मग कैसे..ते मोती बनावे..
ओंजळीत तुझ्या..हास्य फुलावे..!!

श्वास हे तुझे..श्वासात मिसळावे..
स्पंदने कैक जरी..हृदय एक व्हावे..!!

जगावे प्रेमात..तू जीवनी असावे..
दोन जीव सखे..आता एकरूप व्हावे..!!

*चकोर*

II वाटते II

II वाटते II
**********
खुप काही करावेसे वाटते..
तुजसवे फिरून फुलावेसे वाटते..!!

वेदनेच्या झुल्यावर.
सुखाने एकदा झुलावेसे वाटते..
बेभान वाऱ्यावर..
ओठांच्या कळीने खुलावेसे वाटते..!!

अश्रुंच्या सागरात..
स्मित होडक लोटावेसे वाटते..
नैराश्याच्या गर्गेतून..
आशेच्या किना-यास भेटावेसे वाटते..!!

विस्कटल्या क्षणातून..
चोरट्या क्षणांना खेटावेसे वाटते..
विरहाच्या गावातून
मिलनाचे घर गाठावेसे वाटते..!!

नकाराच्या पंखावरून..
होकार भरारी भरावेसे वाटते..
ह्या आभासी जगात..
नयनी हर्षे निरावेसे वाटते..!!

खुप काही करावेसे वाटते..
तुजसवे फिरून फुलावेसे वाटते..!!
**********सुनिल पावार....

II नारी II

II नारी II

निर्भय ह्या जगात नरा..
भय असते त्या नारीला..
जाळिती तीज विखारी ज्वाळा..
दोष मात्र तिच्या ज्वानीला..!!

सजवूनी तिज अलंकारात..
तूच लीलया बळी दिला..
वासनेच्या हवन कुंडात..
देह तिचा दहन केला..!!

अमानुष अत्याचार नरा..
युगे तिने सहन केला..
तुझ्याच प्रेमा खातर रे..
मूक मार सहन केला..!!

समजू नको तिज अबला..
आदिशक्ति म्हणतात तीला..
वंदन कर त्या मातेला..
जन्म तुला तिनेच दिला..!!

*चकोर*

II अव्यक्त प्रेम II

II अव्यक्त प्रेम II

अव्यक्त प्रेम माझे..
शब्दात ना बसले..
बसले कधी चुकुन..
प्रेम पुरते फसले..!!

आंधळ्या त्या प्रेमास..
प्रेम ना दिसले....
प्रेमाचे रंग न्यारे..
नजरेत भरून राहिले..!!

रुदन मूक हृदयाचे..
कधी ना ऐकले..
वेदना शब्द बंबाळ..
कानात गुंजू लागले..!!

असहाय्य जिणे माझे..
नाही कधी समजले..
माझ्याच मरणा मी..
डोळे भरून पाहिले..!!

*चकोर*

II आम्ही मुले II

II आम्ही मुले II
==========
आम्ही मुले..
देवा घरची फुले..
निगर्वी निरागसता..
आमच्या चेह-यावर डुले..!!

आम्ही मुले..
पंख चिमुकले..
स्वप्न भरारीचे..
आमच्या डोळ्यात झूले..!!

आम्ही मुले..
विश्वासु पाऊले..
सर्व धर्म समभाव..
आमच्यासवे खेळे..!!

आम्ही मुले..
देखणे सानुले..
दर्शना मात्र..
मोद श्रुष्टीत फुले..!!

*चकोर*

II मन मनात II

II मन मनात II

मन मनात झुलते डुलते गाते..
मन प्रीत तराणे जैसे..!!

मन मनात उंच उड़े आकाशी..
मन भीरभीर पाखरा जैसे..!!

मन मनात खेळे हिंडे बागडे..
मन उड़े फुलपाखरु जैसे..!!

मन मनात स्वच्छंद चमचम चमके..
मन सुंदर चांदणे जैसे..!!

मन मनात फुलवे पिसारा नाचे..
मन भासे मयूर जैसे..!!

मन मनात घेते गिरकी फिरते..
मन भिरभिरते वारे जैसे..!!

मन मनात वसते उगीच हसते..
मन फसते प्रेमा जैसे..!!

*चकोर*

II अबोलीचे बोल II

II अबोलीचे बोल II

अबोलीचे बोल..मना भावले..
अबोलीने मज.. वेड लाविले..!!

सुंदर केशरी.. देखणे रुपडे..
फिटे पारणे..काळीज उडे..!!

टंच कळी.. दवात भिजली..
अंगात जशी.. ज्वानी पेटली..!!

फुलला गजरा..अल्लड नखरा..
येता जाता..वळती नजरा..!!

रुळे केसात..नागिणीची चाल
मोहक हालचाल..जीव बेहाल..!!

मंद गंध..करितसे धुंद..
अबोलीचे बोल..मुक्त स्वच्छंद..!!

*चकोर*

II कर्ण II

II कर्ण II

काय सांगावी कर्णाची गाथा..
गाथा म्हणावी या म्हणावी व्यथा..
कुंती तयाची होती माता..
पांडवांचा तो जेष्ट भ्राता..!!

कवच कुंडले घेऊन आला..
शापित उपेक्षित जीवन जगला..
सूर्य पुत्र तो तेजस्वी..
सूत पुत्र म्हणोनी उपेक्षीला..!!

मनगटावर त्यास भरवसा होता..
कूट नितिला नव्हता थारा..
दान वीर हो त्या सारखा..
नाही जन्माला कोणी दूसरा..!!

करून गेले कर्णास महान..
कवच कुंड़लाचे अमर दान..
श्री कृष्णे केले गुणगान..
मित्रा कर्णाची महती जाण..!!

मित्रांचा मित्र हा दिलदार..
स्व: कर्तुत्वाने होता घडला..
वर्ण द्वेषाच्या जात्यात मात्र..
कर्ण नाहक भरडला गेला..!!

*चकोर*

II मोबाइल पुराण II

II मोबाइल पुराण II

मोबाईलची गोष्टच लई भारी..
बोलायची ह्यावर गम्मत न्यारी..
गप्पांसाठी आहे सार्वजनिक ग्यालरी..
पलिकडे बोलायला प्रिया त्याची प्यारी..!!

दबका ह्याचा आवाज नजर चोरटी..
झडतात गुपचूप गप्पांच्या फैरी..
इयरफोन कानास लावून स्वारी..
वेड्यागत कसे हातवारे करी..!!

बोलणा-याची इथे वा-यांवर सवारी..
अचंबित होतात शेजारी पाजारी..
म्हणती असता माणसे घरी..
हा मात्र फोनवर बोंबलत फिरी..!!

*चकोर*

II गर II

II गर II

गर वोह ना आये तो क्या होगा..?
कुछ कम गम ज्यादा होगा..
आँख धुंदली नम ज्यादा होगा..
लुटाकर खुदको पाने का इरादा होगा..!!

गर वोह ना मिले तो क्या होगा..?
मिलना कम बिछड़ना ज्यादा होगा..
वक्त कम इन्तेजार ज्यादा होगा..
भुलाके खुदको याद उन्हें करना होगा..!!

गर वोह साथ ना चले तो क्या होगा..?
अकेले हम-सफ़र पर चलना होगा..
अंजानी राह पे नया मोड़ लाना होगा..
हमसफ़र चुन मंझिल को पाना होगा..!!

*चकोर*

// लिखते लिखते //

// लिखते लिखते //

बस यु ही लिखते गए ..लिखते लिखते..
आप मिले हम मिले..लिखते लिखते..
कुछ आप की सुनी..लिखते लिखते..
कुछ अपनी कही..लिखते लिखते..!!

दिल धड़कता रहा.लिखते लिखते..
मन मचता रहा..लिखते लिखते..
राह तकता रहा..लिखते लिखते..
साथ चलता रहा..लिखते लिखते..!!

कभी रूठता रहा..लिखते लिखते..
कभी मनाता रहा..लिखते लिखते..
कभी खिलता रहा..लिखते लिखते..
कभी खिलखिलाता रहा..लिखते लिखते..!!

सिलसिला चलता रहा..लिखते लिखते..
फासला मिटाता रहा..लिखते लिखते..
वक्त गुजरता रहा..लिखते लिखते..
कारवा चलता रहा..लिखते लिखते..!!

*चकोर*

II अंतर II

II अंतर II
======
एक पाऊल समजदार..
मिटवते मनातील अंतर..
एक पाऊल चुकीचे..
वाढवते नाहक अंतर..!!

देता सर्वांस मान..
कमी होईल अंतर..
बाळगता दुराभिमान..
वाढत जाईल अंतर..!!
रखता योग्य अंतर..
राहते नाते समांतर..
जाणता अंतराचे अंतर..
घड़ते योग्य मतांतर..!!
संभाव्य अपघात टाळण्या..
सुरक्षित असावे अंतर..
असले जरी मतमतांतर..
न द्यावे कोणास अंतर..!!
अंतराने वाढते अंतर..
अंतराने मिटते अंतर..
हवे सर्वनिकषक अंतर..
अंततः उरते तेच अंतर..!!
*****सुनिल पवार....

II माणूस II

II माणूस II

नमस्कार मी माणूस..
आज माझ्याच बद्दल मी तुम्हाला सांगणार आहे.. खरं तर मी पूर्णतः पराधीन.. तरीही ह्या श्रुष्टीवर हुकुमत गाजवू पाहतो.. तशी माझी सुप्त इच्छाच असते.. मग त्यासाठी माझी वाटेल ते करायची तयारी असते..
बालपणी मी दिसायला गोंडस सर्वाना हवा हवासा वाटतो.. ह्या दिनी मी पोटाची खळगी भरली की निश्चिंत असतो.. लोभ, मोह, माया, मत्सर ह्यापासून मी खूप दूर असतो.. सर्वसमावेश सहवास मला हवाहवासा वाटतो.. मित्र कोण शत्रू कोण हे माझ्या खिजगणतीत नसत.

जसं जसा मी मोठा होत जातो.. तस तसे राग, लोभ, मोह, मत्सर, माया इत्यादी दुर्गुण माझ्या शरीरात चोर पावली प्रवेश करतात.. नकळत मीच त्यांस शिरकाव करू देतो.. शरीराबरोबर ते सुद्धा विशाल रूप धारण करतात आणि नकळत वर्चस्व गाजवू लागतात.. मग मी माणूस आहे हेच मुळी विसरतो.. मिळेल त्या मार्गाने इतरांवर वर्चस्व मिळवू पाहतो.. मग त्यासाठी मी श्रुष्टीवर व त्यावरील जीवांवर अमर्याद अत्याचार करतो.. माझ्या प्रेमात ही मिळविण्याची हाव असते. माझ्या डोळ्यात फक्त मी आणि मीच असतो.. कधी स्वार्थापोटी मी इतरांना जवळ करतो..तर कधी दूर लोटतो.. इतके सारे करूनही मी समाधानी नसतो.. कारण माझं मन मेलेलं असतं.. माझ्यातील माणूस मृत झालेला असतो..

कालांतरे माझं शरीर जर्जर होते..अन पुन्हा माझ्यातील माणूस जागा होतो..ज्याने मला जन्म दिला मी त्याचा शोध घेऊ लागतो..इतकी वर्षे उलटली त्याची आठवण काढली नाही याचा पश्चाताप मी त्या वेळी करतो.. क्षमा याचना करतो..ह्या व्यतिरिक्त हाती काहीच नसत.. माझे जीवन सुद्धा माझ्या हातात नसते.. हे सुद्धा तेव्हा जाणवते आणि एके दिवशी अचानक शरीर राम म्हणते.. क्षणात अस्तित्व संपते.. आलो रिता आणि जातो सुद्धा रिताच.. कारण मी पराधीन असतो..

मी तेव्हा पराधीन होतो आता ही पराधीन आहे.. मग का मी हुकुमत गाजवू पाहतो..? का मी माणूस आहे हेच मुळी विसरतो.. ? काळ येतो काळ जातो पण परिस्थितीत कुठे हो फरक पडतो..?? माणूस आपल्याच ब्रीदास सोयीस्कर रीत्या विसरतो.
धन्यवाद...

*चकोर*

II गुंज भ्रमराचे II

II गुंज भ्रमराचे II

मन बावरे बावरे..
फिरे भोवताली..
अश्रुंनी सिंचतो..
बाग हा माळी..!!

कळणार कसे तुज..
मोल थेंबांचे..
गुंज भ्रमराचे..
मकरंदी श्वासाचे..!!

*चकोर*

II सुंदर कोकण किनारा II

II सुप्रभात..सुंदर कोकण किनारा II

झुंजूमुंजू झाली कोकण किनारा..
पहाट वारा अवखळ झोंबरा..
नभ उतरल अवचीत धरा..
धुक्यात हरवला गाव सारा..!!

थंडीचा मोसम शीतल वारा..
काजुच्या झाड़ा बघ आलाय तुरा..
पुसाव्याचा फणस दिसतो ग बरा..
हळूच भरतोय त्यात गरा..!!

मोहरमुकुट आंब्यास शोभतोय बरा..
राजा फळांचा मिरवतोय तोरा..
माडांच्या रांगा शोभे किनारा..
छायेत त्याच्या विसावू ज़रा..!!

वर्णावे किती शब्द अपुरा..
फिटे पारणे पाहुन नजारा..
स्वर्ग जणू उतरला धरा..
असा हां सुंदर कोकण किनारा..!!

*चकोर*

।। किरण / वारा ।।

।। किरण / वारा ।।

बेबंध अवखळ वारा..
झोंबे अंगाशी उडवी अधरा..
थरथरे अंग कांती..
कुंतली खेळे निलाजरा..!!

देखोनी ऐसी त्रेधा..
कवडसा येतसे आधारा..
बांधत असे प्रेम समा..
किरण देत असे उबारा..!!

*चकोर*

।। सहभाग आम्ही काय दिला ।।

।। सहभाग आम्ही काय दिला ।।

प्रजासत्ताक पार पडला..
सहभाग आम्ही काय दिला..
कोणता असा उपक्रम केला..
जागलो का मी कर्ताव्याला..??

केले वंदन झेंड्याला..
स्मरले आम्ही शहिदांना..
का चिकटून बसलो टीव्ही ला..
का बसलो fb वर चाटिंगला..??

ध्वज रोहणाचा आनंद घेतला..
उत्स्पुर्त सहभाग घेतला..
का झोपून दिवस काढला..
का सुट्टी म्हणून उपभोगला..??

प्रश्न असे वेडे
पडतात का हो तुम्हाला..??
विचारून तर पहा ज़रा..
तुम्हीच तुमच्या मनाला..!!

*चकोर*

II च्या मारी वेलेंटाइन च्या II

II च्या मारी वेलेंटाइन च्या II

काय म्हणाव ह्या सखुला..
पुरता मामा तीन बनिवला..
केसान माझा गळा कापला..
हळूच खिसा रिकामी केला..!!

मागणी पुरी करता करता..
पुरती धाप लागली मला..
गुलाब, टेडी अजून काय काय..
लागलीय फुकटी मागायला..!!

समदच साल पुरवील..
तीन दूसरीकड जमीवल..
वेलेंटाइन डे न मला..
आडव तिडव झोपीवल..!!

च्या मारी वेलेंटाइन च्या..
साला समदाच हाय लोच्या..
प्रेम कुणाच गेम कुणाचा..
इस्कोट झालाय जीवाचा..!!

*चकोर*

।। टवाळकी ।।

टवाळकी..

हरे गावाच्या पोपट नगरीत

झाडाच्या बगलीत
पोपटांची भरली 

लई भारी मीटिंग..!!

आली एक नवी नवेली 

नखरेल तिथे पोपटीन..
अजेंडा होता तगड़ा 

आता करायची कोणी सेटिंग..!!

पहिला मी पहिला मी

जो तो बोंबलू लागला..
पैश्याच आमिष दाखवत 

खेळू लागले बेटिंग..!!

एक मत काही होईना 

कोणी कुणचे ऐकेना..
हमारा तुमरीवर आले 

अन सुरु झाली फाईटिंग..!!

मनोरंजन झाले पोपटीनीचे

पाहून त्यांचा कल्ला
म्हणाली बसा बोंबलत 

चालले मी 

तुम्ही आहात लिस्टवर वोटिंग..!!

मी आधीच आहे एंगेज 

झालीय कावळ्यासोबत सेटिंग..
पोपट सारे दंग झाले 

पाहून तिची नवी एक्टिंग..!!
--शब्द तरंग..

।। प्रश्न ।।

।। प्रश्न ।।
======
तोच दरवळ असेल का त्या सुमनाला..
का पुसे सवाल मन माझ्या मनाला..!!

गजरा तो अबोल भाळतो कुंतलाला..
का वेड असे त्या नादान फुलाला..!!

कर्णफुले सुरेख शोभती कर्णाला..
का मोह व्हावा ग तसाच  सुवर्णाला..!!

सुरमा काजळी तो भिडतो नयनाला..
का आलिंगतात पापण्या क्षणाला..!!

पाकळ्या गुलाबी चुंबती अधराला..
का गोडवा असावा तोच मकरंदाला..!!

कोणत्या नभाचा रवी भाळी सजला..
कवटाळले असे मी का काळोखाला..!!
******सुनिल पवार....

।। ताई ।।

।। ताई ।।
डोळ्यात अश्रु उमलले..
ताईचे लगीन ठरले..
बालपणीचे खेळ सारे..
डोळ्यात भरुन आले..!!

चुकता मी कधी..
तू धपाटे मज घातले..
प्रेम तुझे त्यातील..
मज आज खरे दिसले..!!

रडता मी खाऊ साठी..
तू आपल्यातले दिले..
विशाल तुझे ह्रदय ताई..
मज अता कुठे कळले..!!

जाशील तू सासरी..
सांग मज कैसे करमेल..
घर सुने सुने भासेल..
आठवण हृदयी असेल..!!

तुझ्या रक्षणार्थ उभा..
सदैव तुझा भाऊ असेल..
सौख्य लाभों ताईला..
मागणे देवा हेच असेल..!!
*चकोर*

II प्रेमाच काही खर नसत II

II प्रेमाच काही खर नसत II

प्रेमाच काही खर नसत..
क्षणाच आकर्षण गहिर असत..
दिवसागणिक विरळ होत जात..
अस प्रेम..तकलादू असत..!!

प्रेमाच काही खर नसत..
क्षणात कधी मन बसत..
दिवसागणिक इरेला पेटत..
अस प्रेम एकतर्फी असत..!!

प्रेमाच काही खर नसत..
क्षणा क्षणा मागणी करत..
दिवसागणिक लालची बनत..
अस प्रेम स्वार्थी असत..!!

प्रेमाच काही खर नसत..
प्रत्येक क्षणा उत्कंठ बनत..
दिवसागणिक समंजस होत..
अस प्रेम चिरकाल टिकत..!!

*चकोर*

II क्या होता है दिल II

II क्या होता है दिल II

क्या है किसीको पता..क्या होता है दिल..??
क्यों भावनाओंके साथ जुड़ा होता है दिल..??
बिना मार खाये भी, क्यों तड़पता है दिल..??
किसीकी नफ़रत भरी निगाहोसे, क्यों टूटता है दिल..!!

गर है आप को पता, तो इतना दो बता..
क्यों किसीको चाहता है दिल..??
किसीकी याद में, क्यों रोता है दिल..??
किसीके चाहने से, क्यों मचलता है दिल..??
किसी के साथ होने से, क्यों बहेलता है दिल..??

कुछ तो बोलो, देखो यु बात ना टालो..
मौसम कि तरह, क्यों बदलता है दिल..??
बिन बादल क्यों बरसता है दिल..??
किसीके दिल में, क्यों पनकता है दिल..??
भरी बरसात में, क्यों जलता है दिल..??

*चकोर*

II फेसबुक क्षेत्र II

II फेसबुक क्षेत्र II

फेसबुक भासे मज कुरुक्षेत्र..
इथे समजेना गड्या..
कोण शत्रू अन कोण मित्र..!!

कसं ओळखावा इथे बृहन्नडा..
कसा थांबवावा त्यांचा राडा..
शंड त्याच्या वागणुकीला..
कसा शिकवावा हो धड़ा..!!

समजून येते वर्तन सारे..
दाखवावे सांगा कसे कोणा..
दृष्ट्द्युम इथे टपलेत सारे..
सावध व्हो आता द्रोणा..!!

युधिष्टिर इथे नित्य वदे..
नरो वा कुंजरोवा..
अश्वस्थामा नाहक भरडतो..
सांगा सत्य कोणास पुसावा..!!

याचक बनोनी इंद्र कपटी..
(फोटो) कवच कुंडल मागतो..
मरणाचा मग कर्णाचा (स्त्री) ..
कसा मार्ग सुकर होतो..!!

अशा ह्या माया क्षेत्री..
भरवसा हो नच कोणाचा..
श्रीखंडीच्या पदरा आडून..
वेध घेती हो भीष्माचा..!!

*चकोर*