।। प्रश्न ।।
======
तोच दरवळ असेल का त्या सुमनाला..
का पुसे सवाल मन माझ्या मनाला..!!
गजरा तो अबोल भाळतो कुंतलाला..
का वेड असे त्या नादान फुलाला..!!
कर्णफुले सुरेख शोभती कर्णाला..
का मोह व्हावा ग तसाच सुवर्णाला..!!
सुरमा काजळी तो भिडतो नयनाला..
का आलिंगतात पापण्या क्षणाला..!!
पाकळ्या गुलाबी चुंबती अधराला..
का गोडवा असावा तोच मकरंदाला..!!
कोणत्या नभाचा रवी भाळी सजला..
कवटाळले असे मी का काळोखाला..!!
******सुनिल पवार....
No comments:
Post a Comment