कंपूशाही..😃

कंपूशाही..

कंपूशाहिस विरोध करून

त्याने नवा कंपू तयार केला।

एक गेला दुसरा आला

कंपूचा आकडा हजार झाला।

काल जो तळी उचलत होता

आज तोच विरोधक झाला।

आपल्या सवंग प्रसिद्धीचा

मार्ग मात्र निर्धोक केला।

--सुनील पवार..

हास्यसकाळ

18Pratiksha Kurhade, Santosh Bakshi and 16 others

10 Comments

Like

Comment

Share

क्या समझे?

क्या समझे?
नहीं समझे?
चलो कोई बात नहीं
वैसे भी
यहाँ बहरों की कमी नही
शुक्र है
अभी तक हमारे कानों में
ईयर फोन की धूल जमी नहीं।
--सुनिल पवार...✍️

See Translation

ए..ऐक ना...

ए..ऐक ना...😀

ए, ऐक ना,
मी जेव्हा जेव्हा तुला फोन करतो
तेव्हा तेव्हा तो व्यस्त असतो
कधी कधी रिंग वाजते
पण उचलण्याआधीच कट होतो
चुकून उचलला गेला कधी
की लगेच कामाचा दुसरा कॉल येतो
मग कधीतरी एखादा
सारवासारव करायला
वाहून गेलं पाणी भरायला
तुझा आगंतुक कॉल येतो
मला वाटते आतातरी असशील निवांत
पण त्यातही पुन्हा काम निघते
आणि फोन कट होतो
ए..ऐक ना
इतका तर मी वेडा नाही
मला कळतो तुझा बहाणा
त्यातील फोलपणा
आणि रोजचाच तोच तोचपणा..!!
***सुनिल पवार...✍️

ll आठवण ll

आठवण...

अवेळी येतेच असे नाही
तर कधी कधी
सोयीनेही काढली जाते..
रिकाम्या वेळेचे
अन् आठवणींचे असते
एक अनोखे नाते
म्हणूनच
वेळ जाण्यासाठीही
कोणाचीतरी
मुद्दाम आठवण काढली जाते..!!
😄सुनिल पवार...✍🏼

ll अरेच्चा ll

 अरेच्चा...😉

चांदण्यात न्हाऊन
एक नदी
वायूवेगे दौडत येते..
मी
आवगे पसरतो बाहू
पण
न जाणे कुठे लुप्त होते..
अचानक
डोळे उघडतात
अन् मी स्वतःशीच हसतो
म्हणतो,
अरेच्चा..!
हे तर केवळ स्वप्न होते..!!
**सुनिल पवार...✍🏼😄

|| पाढा संसारी काढा ||

|| पाढा संसारी काढा ||
==============
तीन एके तीन
तीन दुणे सहा..
तिने बनवली कॉफी
अन मला आवडतो चहा..!!☕

तीन त्रिक नऊ
तीन चोक बारा..
उपमा झाला खारा
मी म्हणालो आहे बरा..!!🥘
तीन पंचे पंधरा
तीन सक अठरा..
जेवण होतं नावडतं
मी म्हणालो वाह सुंदरा..!!
तीन साते एकवीस
तीन आठे चोवीस..
तिने रुसावं उगीच
मी म्हणावं करतो मिस..!!🤝
तीन नवे सत्तावीस
तीन दाहे तीस..
संसार करावा गोडीत
उगा काढू नये किस..!!🥔
****सुनिल पवार..

|| गोट्याच्या कविता || # 02 (व्हाट्सअप बाबा)

|| गोट्याच्या कविता ||
==============
# 02 (व्हाट्सअप बाबा)
गोट्या तसा
बुवाबाजीच्या विरोधात
पण व्हाट्सअप बाबाचा
अनन्य भक्त
त्याच्याच कृपेने
म्हणतात
गोट्यास बरकत आली..
त्याने लिहले गद्यात
पण त्यातही
पद्याची हरकत आली
प्रसिद्धी
गोट्याकडे सरकत आली..
अन गोट्याची
सर्वत्र (ग्रुपवर)
वाह वा झाली..!!
II जय व्हाट्सअप बाबा II
***सुनिल पवार...✍

II ऑनलाईन प्रेमाचे II

😄😄हसा लेको😄😄
==============
II ऑनलाईन प्रेमाचे II
==============
ऑनलाईन प्रेमाचे
ऑफलाईन धडधडणे असते..
मॅसेंजरच्या पावसात
शब्दांचे गडगडणे असते..!!
पोस्टवरच्या बगिच्यात
स्मायलींचे फुलणे असते..
बोटांच्या टप्प्यात
मुक्याचे बोलणे असते..!!
वॉलवरच्या फोटोसाठी
डोळ्यांचे झुरणे असते..
आंबट चवीसाठीच
लोणच्याचे मुरणे असते..!!
ऑनलाईन प्रेमाचे
रोजच हुरहुरणे असते..
साठीच्या वयातही
मन कसे तरणे असते..!!
****सुनिल पवार....✍🏽 

|| तडतड लाही |

=D हसू नका =D
😭रडू नका😭
माणूस आपलाच हाय
उगाच तडतडू नका😬
############
✨|| तडतड लाही ||✨
==============
करू नका हो कोणीच
अंगठे वर करण्याची घाई...
तुम्ही आमचे , आम्ही तुमचे
तुमची चालू द्या कंपुशाही..!!
नको आम्हास शब्द उपरे
जरा आवरा स्वतःस भाई..
म्यान करा तलवारी
उगा, उडवू नका हो राई..!!
समर्थ आमची आई
उगा हवी कशास दाई..
तडतडू दे तुमची लाही
आम्ही सांभाळतो शब्दाई..!!
😜*****$p***** 

|| अंगठाधार ||

|| अंगठाधार ||
=◆=◆=◆=◆=
थोडक्यात सार
अंगठा आधार
वेळ उपहार
साधतो मी..!!

नसे त्यात खोट
बांधलेली मोट
समस्तांस बोट
दाविले मी..!!
घेती जे फ़ायदा
मोडून कायदा
फुकाचा वायदा
माझ्या लेखी..!!
एक माझी जाण
ना कोणी लहान
ना कोणी महान
शब्दजळी..!!
पामर अजाण
ना काढत उणं
माझच दळण
दळतो मी..!!
🙏🌹🙏
**सुनिल पवार..😄

माणूस / मन

माणूस / मन
==========
तुमका म्हणून सांगतय
माणसाच्या मनाचो
काय नेम नसता..
धरलो की चावता
अन सोडलो की पळता..!!

माझ्या मनाक
ता नेहमीच छळता
माय झयो
असो काय करता..
ओठात एक असता
अन पोटात
दुसरोच ठेवता..!!
मी म्हणलयं त्याका
अरे वाइच सुधार आता..
कित्या फसवतस लोका
मेल्या खाशील तू लाथा..!!
हसलो म्हणालो,
मेलेल्याक कोण मारतला
सचोटी खय उरलीय आता..
बरं आधी सांग माका
माणसात माणूस खय रव्हता..!!
😊*******************😊
******सुनिल पवार....

माणूस / मन
==========
तुमका म्हणून सांगतय
माणसाच्या मनाचो
काय नेम नसता..
धरलो की चावता
अन सोडलो की पळता..!!

माझ्या मनाक
ता नेहमीच छळता
माय झयो
असो काय करता..
ओठात एक असता
अन पोटात
दुसरोच ठेवता..!!
मी म्हणलयं त्याका
अरे वाइच सुधार आता..
कित्या फसवतस लोका
मेल्या खाशील तू लाथा..!!
हसलो म्हणालो,
मेलेल्याक कोण मारतला
सचोटी खय उरलीय आता..
बरं आधी सांग माका
माणसात माणूस खय रव्हता..!!
😊*******************😊
******सुनिल पवार....

|| ग्रुपगिरी ||

|| ग्रुपगिरी ||
=◆=◆=◆=
एक एक ग्रुप पण काय
भन्नाट असतात राव..
काकुळतीस येतोय जीव
म्हणावसं वाटतंय..
देवा आता धाव..!!

काव्यात्मक ज्याचे नाव
त्याचे वर्मावर घाव..
गाढवाच्या डोइवरचे
देवा शिंग मला दाव..!!
विचारांच्या त्या मळयात
असतो विचारांशी बेबनाव..
पोराटोरांच ठीक हाय
देवा तुम्ही भी खाताय भाव..!!
कळेना कोणास कसं
कुठं काय बोलावं..
किती खाजवाल हो पाठ
देवा मौन आता खोलावं..!!
कोणाच्या रचनेवर पहा
कोण मारतयं ताव..
विचारू नका कोणाच नाव
देवा करा की मज्जाव..!!
वाईट वाटतंय ह्याचाच देवा
ते तुमच्या गावीही नसावं..
म्हणणं माझ इतकंच
ते आपल्या कानी घुसावं..!!
😄◆◆◆◆◆◆◆◆◆◆◆◆😄
*****सुनिल पवार...

|| शांत हो बाई ||

|| शांत हो बाई ||
===========
मी नुसत म्हटल
शांत हो बाई
खरच शांत झाली अन
आता बोलत नाही काही..!!

हायस वाटलं मनाला
म्हटलं मनात बरं झालं
कळले नाही माझे मलाच
वड्याचं तेल वांग्यावर आलं..!!

7 वाजता उठायाच होत
10 वाजता जाग आली
बोलायला तोंड उघडल अन
कागदावर नजर गेली..!!
अहो 7 वाजले उठा
असं त्यावर लिहल होतं
तिच्या मौनाच अस स्वरुप
मी नव्यानं पाहिलं होतं..!!

आता बोलायचं म्हटलं की
ती एक कागद फडकवते
अन होणाऱ्या घोळाने
माझे काळीज धडधड़ते..!!

मी।म्हणालो म्हणून
तुम्ही नका करू घाई
शांत झाली बाई पण
सुरु झाली हातघाई..!!
😀😀😀
*****सुनिल पवार.....

|| तुरडाळ महिमा ||

|| तुरडाळ महिमा ||
============
जय  डाळी जय डाळी
जय जय तुरडाळी..
अशी कशी झाली तू
बाजारी काळी..!!
जय डाळी जय डाळी...

शेतकऱ्यास भाव
मिळतो चिरीमिरी..
व्यापारी देतोय
हातावर तुरी..!!
जय डाळी जय डाळी..

गगनाला असे
दर हे चढले
साठेबाजीने आता
कंबरडे मोडले..!!
जय डाळी जय डाळी..

सरकारही तुझ्या
प्रेमात पडले..
छापेमारीचे मग
नाट्यही घडले..!!
जय डाळी जय डाळी..

कमळाबाईंने म्हणे
दूकान थाटले..
शोधावे कुठे
नाही सापडले..!!
जय डाळी जय डाळी..

अगाध महिमा तुझा
वर्णावा किती..
तुझ्याच पावली
यावी श्रीमंती..!!
जय डाळी जय डाळी..

जय डाळी जय डाळी
जय जय तुर डाळी..
अशी कशी झाली तू
बाजारी काळी..!!
😀😜😀😜😀😜

****सुनिल पवार....

|| शीघ्र कविता ||

|| शीघ्र कविता ||
××××××××××××
शीघ्र कविंची कविता वाचून
मला ही मग मोह झाला
म्हटल काय हरकत आहे
प्रयत्न करुन पाहायला..!!

विषय काय असावा
ह्यावरूनच शब्दांची जुंपली
हां ना करत मग
एक एक ओळ गुंफली..!!

मग भावनेने सुद्धा
बरेच आढेवेढे घेतले
आवरता आवरता तिला
माझ्या नाकी नऊ झाले..!!

बऱ्याच प्रयासाने मग
गंगेत घोड़े न्हाले
सांगा कविता माझी वाचून
तुम्हा कसे वाटले
*****सुनिल पवार......

।। व्हाट्सअप वाणी ।।

।। व्हाट्सअप वाणी ।।
*****************
आपणास ठावे
लोकांस सांगावे
स्टेटस जपावे
व्हाट्सअपचे..!!

इकडून घ्यावे
तिकडून घ्यावे
जनांस वाटावे
सर्व ज्ञान..!!

विनोद सांगावे
चित्रात बोलावे
फितीत रमावे
रात दिन..!!

समूह जोडावे
समूह काढावे
वेडेच करावे
सकलांस..!!
***सुनिल पवार..

II एके दिवशी काय झाले II

II एके दिवशी काय झाले II
********************
 एके दिवशी काय झाले
सखी म्हणाली सख्याला
तुम्हावर प्रेम जडले..
तुम्ही की नाही,
मला लई आवडले
सख्या म्हणाला,
च्यामारी हे असे
कसे काय घडले....??

प्रेम करण्यासारख
माझ्यात काय दिसले.....??

सखी म्हणाली
तुमच्या भोळेपणावर भाळले....
मनात म्हणाली
बावळटा कसे काय गंडवले..
चैन करायला आता
नवे सावज गावले..!!

त्या दिवशी सख्याला
आकाश ठेंगणे झाले..
प्रीतीच्या हिंदोळ्यावर
मन त्याचे झुलले...
आणा भाका घेणे
ओघानेच आले..
रागावणे मनवणे
हे नित्याचेच झाले..!!

मग एके दिवशी
सखीचे मन भरले.
अन सख्याचे
खिसे रिकामी झाले
सखीने सख्याला
वा-यावर सोडले
त्या दिवशी सख्याचे
तीन तेरा वाजले..!!

झुलणारे मन
क्षणात खाली आले
कळेना सख्याला
नक्की काय झाले
म्हणालो मी त्याला
येडा की खुळा
केला की तिने
तुझा चांगला खुळखुळा..!!

तरीच म्हणतोय च्यामारी
इपरीत कसे घडले
उजेडाने काजळाला
कसे काय वरले
कारण त्याचे
आता कुठे कळले
सखीने सख्याला
होते पुरते गंडवले..!!
***सुनिल पवार....

II कविता फक्कड II

II कविता फक्कड II
*******************
तुम्ही लिहली म्हणून घेतली
कविता फक्कड लिहायला..
म्हटलं काय हरकत आहे
प्रयत्न करून पाहायला..!!

भावनाचा करताच पुकारा
लागल्या लगबग जमायला..
गोतावळा तो त्यांचा पाहुन
डोके लागले घुमायला..!!
निवडु तरी कसा कोणाला
मार्ग नाही कळायला..
आवाज दिला प्रथम प्रेमाला
अन लागला तोल ढळायला..!!
मग पुकारले हळूच श्रृंगाराला
ये ग सये तू सजायला..
मढवली तीज अलंकारात
ती लागली मुरडत लाजयला..!!
म्हटलं घ्यावे जवळ वेदनेला
लागला धग तो जाणवायला..
हळवं भारी मन हो तीचं
ती लागली डोळे पाणवायला..!!
मग हास्या म्हणाली गमतीनं
येऊ का मी जवळ बसायला..
दोन मिनिटं ना स्थिर बसलो
ती लागली फिदीफिदी हसायला...!!
मधेच विडंबना उठून केकटली
येऊ का मी पायधुळ झाडायला..
चिमटे काटे भाले घेवून
ती लागली वाभाडेच काढायला..!!
पुरता फसलो धपकन पडलो
लागलो होतो मी रांगायला..
कवितेन घडवल रामायण सांर
हे वेगळ नको आता सांगायला..!!
*****************सुनिल पवार...

।। च्या मारी वैलेंटाइन च्या ।।

।। च्या मारी वैलेंटाइन च्या ।।
********************
काय म्हणावं राव ह्या सखुला
तीनं पुरता मामा बनीवला..
केसानं की हो गळा कापला
बेमालूम खीसा रिकामी केला..!!

गुलाब, टेडी आणखी काय काय
लागली फुकटी मागायला..
हौस तिची पुरवता पुरवता
लागलोया मी दमायला..!!

सालं समदचं लाड पुरीवलं
तीनं दुसरीकडच जमीवलं..
ह्या वैलेंटाइन डे न मला
आता आडवं तिडवं झोपीवलं...!!

च्या मारी वैलेंटाइन च्या
हिथं समदाचं हाय लोच्या
कोंबड़ी गेली दाणा टिपुन
कोंबड़ा मरतोय नुसत्याच टोच्या..!!
**************सुनिल पवार.....

//चला ज़रा हसुया//

//चला ज़रा हसुया//

जिच्यासाठी मी लिहिल्या कविता चार..
म्हणाली ती अगदी भिकार..
मूक कळवला तिज मी रुकार..
शब्द नाही काढला एकही चकार..!!

अवस्था झाली बिकट फार..
तुटली माझ्या हृदायाची तार..
केला मी मग खुप विचार..
नकोच मज शब्द टुकार..!!

मग व्हावे कसे स्वप्न साकार..??
कसा द्यावा कवितेस आकार..??
ओताव्या कवितेत भावना फार..
केला मग मी पक्का निर्धार..!!

लिहले वर फक्त शब्द चार..
"करितो प्रेम तुझ्यावर फार"..
खाली लिहिले तुझाच चकोर..
धरला कागद तिच्या समोर..!!

काय सांगू राव नशीब आले भरा..
फुलला तिच्या गाली मोगरा..
म्हणाली मज काव्य चकोरा..
कवितेच्या नभात तू एक तारा..!!

*चकोर*