ए..ऐक ना...

ए..ऐक ना...😀

ए, ऐक ना,
मी जेव्हा जेव्हा तुला फोन करतो
तेव्हा तेव्हा तो व्यस्त असतो
कधी कधी रिंग वाजते
पण उचलण्याआधीच कट होतो
चुकून उचलला गेला कधी
की लगेच कामाचा दुसरा कॉल येतो
मग कधीतरी एखादा
सारवासारव करायला
वाहून गेलं पाणी भरायला
तुझा आगंतुक कॉल येतो
मला वाटते आतातरी असशील निवांत
पण त्यातही पुन्हा काम निघते
आणि फोन कट होतो
ए..ऐक ना
इतका तर मी वेडा नाही
मला कळतो तुझा बहाणा
त्यातील फोलपणा
आणि रोजचाच तोच तोचपणा..!!
***सुनिल पवार...✍️