चला येताय का….

चला येताय का..

कोणी पेटवला हा वणवा
कोण विझवेल आता त्याला..?
राळ उडवण्याचा नादात
हेच समजले ना कोणाला..!!

भावनांची कोरडी लाकडे
जो उठला तो घेऊन आला..
पेटलेल्या शब्द पालित्यांचे
योगदानही देऊन गेला..!!

आपापल्या परीने प्रत्येकाने
त्याचा केवळ उहापोह केला..
आरोप प्रत्यारोपांचे इंधन सांडले
अन् पराकोटीचा दाह झाला..!!

कुठे माफीनाम्याचे पाणी
खलित्यातून कोण टाकून गेला..
तर बहिष्काराची माती त्यावर
कोणी सहजच ओढून गेला..!!

तरी धगधतोय हा वणवा
जणू जागतोय आपल्या ब्रिदाला..
अहो कबड्डीचा खेळ रंगलाय
चला येताय का संमेलनाला..!!
--सुनिल पवार..✍️