अंधारल्या हातांनीच असे
कितीतरी वेचले कवडसे..
तरीही वाटत नाही मनास
तिमिराचे साम्राज्य बदलेलसे..!!
कितीतरी वेचले कवडसे..
तरीही वाटत नाही मनास
तिमिराचे साम्राज्य बदलेलसे..!!
कधीपासून लागलेय ग्रहण
राहू केतू कुंडलीतून सुटत नाही..
काजव्यांचा नुसताच हैदोस
अंधार फिटता फिटत नाही..!!
राहू केतू कुंडलीतून सुटत नाही..
काजव्यांचा नुसताच हैदोस
अंधार फिटता फिटत नाही..!!
वाटले वाढेल कलेकलेने चंद्र
अन् होईल पुनव प्रकाशित..
पण अवसेच्या दाट पगड्यात
सबुरी बनली केवळ सुभाषित..!!
अन् होईल पुनव प्रकाशित..
पण अवसेच्या दाट पगड्यात
सबुरी बनली केवळ सुभाषित..!!
बसवून पाहिले चारही दिशेला
मी स्वच्छ परिवर्तित आरसे..
तरीही नुसतेच डोळे दिपले
पण बदलले नाही काही फारसे..!!
मी स्वच्छ परिवर्तित आरसे..
तरीही नुसतेच डोळे दिपले
पण बदलले नाही काही फारसे..!!
कितीही हलवा दगड गोटे
पाझर प्रकाशा फुटणार नाही..
शेवटी स्वतःच जळल्याशिवाय
अंधार फिटता फिटणार नाही..!!
***सुनिल पवार...✍️
पाझर प्रकाशा फुटणार नाही..
शेवटी स्वतःच जळल्याशिवाय
अंधार फिटता फिटणार नाही..!!
***सुनिल पवार...✍️
No comments:
Post a Comment