काय आहे चेहऱ्यात...

काय आहे चेहऱ्यात..

तू विचारले म्हणून सांगतो
की काय आहे चेहऱ्यात..
एक पारद आरसा
लपलेला दिसतो त्यात..!!

चेहऱ्याचा चेहरा
काळा की गोरा
अनेक हावभाव
अंतरमनाचा ठाव
दिसून येतो चेहऱ्यात..!!

सुखामागचे दुःख
अन् दुःखामागचे सुख
अनामिक भूक
मनाची रुखरुख
बरोबर की चूक
दिसून येते चेहऱ्यात..!!

मौनाचे बोल
प्रेम प्रतारणेचा झोल
उथळ की खोल
अनमोल की कवडीमोल
दिसून येते डोळ्यात
सारेच काही असते चेहऱ्यात..!!
***सुनिल पवार...✍️