II एके दिवशी काय झाले II

II एके दिवशी काय झाले II
********************
 एके दिवशी काय झाले
सखी म्हणाली सख्याला
तुम्हावर प्रेम जडले..
तुम्ही की नाही,
मला लई आवडले
सख्या म्हणाला,
च्यामारी हे असे
कसे काय घडले....??

प्रेम करण्यासारख
माझ्यात काय दिसले.....??

सखी म्हणाली
तुमच्या भोळेपणावर भाळले....
मनात म्हणाली
बावळटा कसे काय गंडवले..
चैन करायला आता
नवे सावज गावले..!!

त्या दिवशी सख्याला
आकाश ठेंगणे झाले..
प्रीतीच्या हिंदोळ्यावर
मन त्याचे झुलले...
आणा भाका घेणे
ओघानेच आले..
रागावणे मनवणे
हे नित्याचेच झाले..!!

मग एके दिवशी
सखीचे मन भरले.
अन सख्याचे
खिसे रिकामी झाले
सखीने सख्याला
वा-यावर सोडले
त्या दिवशी सख्याचे
तीन तेरा वाजले..!!

झुलणारे मन
क्षणात खाली आले
कळेना सख्याला
नक्की काय झाले
म्हणालो मी त्याला
येडा की खुळा
केला की तिने
तुझा चांगला खुळखुळा..!!

तरीच म्हणतोय च्यामारी
इपरीत कसे घडले
उजेडाने काजळाला
कसे काय वरले
कारण त्याचे
आता कुठे कळले
सखीने सख्याला
होते पुरते गंडवले..!!
***सुनिल पवार....