।। प्रेम आणि त्याच्या उपमा ।।

।। प्रेम आणि त्याच्या उपमा ।।
*************************
काय आणि कसे असते प्रेम
मला अजुन उमजले नाही..
विविध उपमेत सजविलेले प्रेम
समजून घेता समाजले नाही..!!

लोक प्रेमाला सागराची उपमा का देतात
उलघडा मला काही होत नाही..
कारण स्वतःचे अस्तित्व मिटवणाऱ्या नदीकडे
लक्ष सागराचे जात नाही..!!

काहीं म्हणतात प्रेम चंद्रा सम असते
जाणून घेता मज त्यातही मेख दिसते
मन त्याचे पृथ्वीत रमते
सागराच्या प्रेमाची त्यासही कदर नसते..!!

काहींच्या मते प्रेम पृथ्वी परी असावे
समजून घेता त्यातही तेढ दिसते..
चंद्राच प्रेम तिच्या लेखी काहीच नसते
तिला मात्र सूर्याच वेड असते..!!

मग प्रेम सूर्या सारखे तरी असेल
पाहिले मी त्याचही काही खरे नसते..
पृथ्वीला जाळणे हेच त्यास कळले
प्रत्येका नाशिबी का असेच छळणे असते..!!

कसल्या त्या उपमा अन कसले ते प्रेम
करावे ज्यावर का नसावा तो नेक..
काय अर्थ काढावा मग मी प्रेमाचा
उदाहरणे ही त्यांचीच अशी दिलफेक..!!
********सुनिल पवार......