II बालमजूर एक मंथन II

II बालमजूर एक मंथन II
******************
 तो एक बाल सुकुमार
कप बशा विसळत होता
उभ्या आयुष्याच्या रवी
जसा मंथनी घुसळत होता..!!

शिव्या घाली मालक
तो निमुटपणे ऐकत होता
जणू असुराचे सहाय्य
जसा देव तो घेत होता..!!

स्वतःच होऊन शिव
तो हलाहल पचवत होता
उज्वल भविष्याच रत्न
मनामधे सजवत होता..!!

पाहत होतो निरखुन त्यास
तो सर्वांपासून दूर होता
जाता जवळ जाणले मी
तो एक बाल मजूर होता..!!

कधी मिळेल अमृत हक्काचे
प्रश्न मनास पडला होता
विषपान करणारा शिव
माझ्यात कुठे दडला होता..??
कित्येक असतील बालमजूर
मी एकच त्यातला पाहिला होता
पाहून त्याच्या वेदना
जिव माझा घुसमटला होता..!!

जग सारे होते बागडत
तो मंथनात गुंतला होता
आयुष्य त्याचे जसे हलाहल
तो स्वतःच त्यात घुसळला होता..!!
:
तो स्वतःच त्यात घुसळला होता..!!
*******सुनिल पवार.......