।। प्राक्तन ।।

।। प्राक्तन ।।
************
घर प्रेमाचे छान असे सजले होते..
वासे तयाचे उलटे फिरले होते..!!

क्षण सुवर्ण ओंजळीत भरले होते..
पाणी जसे चाळणीत जिरले होते..!!

तरल धाग्याचे नाते गुंफले होते..
धागे नात्याचे जसे विरले होते..!!

हृदयावर नाव माझ्या कोरले होते..
भाळी कुंकू ते कोणी भरले होते..!!

मन मनास कधी तिने चोरले होते..
गळा तिच्या परक्याचे डोरले होते..!!

प्राक्तनाचे नियम जे ठरले होते..
नियतीने विराहास वरले होते..!!
*********सुनिल पवार......