II आली आली हो महागाई II
***********************
आली आली हो महागाई..
हिने कंबरडे मोडले बाई..!!
***********************
आली आली हो महागाई..
हिने कंबरडे मोडले बाई..!!
तोकडा पगार भागत नाही..
झाली भलतीच हो हातघाई..
काय करावं सुचत नाही
मेताकुटीला जीव आला बाई..!!
कांदा रडवतो हाय बाजारी..
जसा अडलाय वर हा दारी..
ह्याची मागणी परवडत नाही..
आता नाकाने सोलवत नाही..!!
भोपळी मिरचीचा रुबाब भारी..
जशी वरमाई मांडव दारी..
हिची मिजास फुकट बाई
बंदया रूपायास किंमत नाही..!!
भोपळा फुगलाय हो लई भारी..
जसा वराचा बाप व्यापारी..
ह्याला कोणी बी विचारीत नाही..
पण किंमत कमीच नाही..!!
आली आली हो महागाई..
हिने कंबरडे मोडले बाई..!!
भेंडी नखरेल मिरवते भारी..
जशी करवली लग्ना घरी..
हिचा मेकअप उतरत नाही..
अन भाव काही घसरत नाही..!!
सणासुधीचे दिस आले दारी..
त्रासलीय जनता जनार्दन सारी..
आमच्या सरकारला जागचं नाही..
मस्त झोपलीय उठवायचं नाही..!!
:
आली आली हो महागाई..
हिने कंबरडे मोडले बाई..!!
*********सुनील पवार.......
झाली भलतीच हो हातघाई..
काय करावं सुचत नाही
मेताकुटीला जीव आला बाई..!!
कांदा रडवतो हाय बाजारी..
जसा अडलाय वर हा दारी..
ह्याची मागणी परवडत नाही..
आता नाकाने सोलवत नाही..!!
भोपळी मिरचीचा रुबाब भारी..
जशी वरमाई मांडव दारी..
हिची मिजास फुकट बाई
बंदया रूपायास किंमत नाही..!!
भोपळा फुगलाय हो लई भारी..
जसा वराचा बाप व्यापारी..
ह्याला कोणी बी विचारीत नाही..
पण किंमत कमीच नाही..!!
आली आली हो महागाई..
हिने कंबरडे मोडले बाई..!!
भेंडी नखरेल मिरवते भारी..
जशी करवली लग्ना घरी..
हिचा मेकअप उतरत नाही..
अन भाव काही घसरत नाही..!!
सणासुधीचे दिस आले दारी..
त्रासलीय जनता जनार्दन सारी..
आमच्या सरकारला जागचं नाही..
मस्त झोपलीय उठवायचं नाही..!!
:
आली आली हो महागाई..
हिने कंबरडे मोडले बाई..!!
*********सुनील पवार.......
No comments:
Post a Comment