:::|| शेवटचे पान ||:::

:::|| शेवटचे पान ||:::
××××××××××××××
शालेय जीवनात वह्यांच्या विश्वात
आदर्श असते एक शेवटचे पान..
इतर पाने नामधारी ठरतात
शेवटच्या पानाला पहिला मान..!!

रमे जो तो त्याच्या भावविश्वात
कल्पना येतसे भलतीच रंगात
खेळ खेळे कोणी असा ढंगात
रमवे मन कधी फुल्ली गोळ्यात..!!
जागृत होई कधी कोणी कलाकार
चित्रे घेती विचित्र हास्य आकार..
कधी गिरवे कोणी प्रेमाचे नाव
स्वप्ने करू पाहे मनी साकार..!!
कोणाच्या रोषास त्याचाच आधार
सोबतीस त्याच्या लेखणीची धार..
शेवटच्या बाकाचा भक्कम आधार
शेवटचे पान खरे किमयागार..!!
🌺😊🌺😀🌺😊🌺
*********सुनिल पवार....