|| पावसा तुझा ढग कुठे अडला ||

|| पावसा तुझा ढग कुठे अडला ||
××××××××××××××××××××
पावसा तुझा ढग
सांग कुठे रे अडला
लई दिस झाले
अजुन नाय पडला..!!

लई खुश होतो
तू पायधुळ झाड़ली
कारभारणीन पण प्रेमानं
तुझी आणा भाका काढली..!!
मग का रे बाबा तू
मनात अढ़ी धरली
भर पावसाळ्यात अशी
तू बिनघोर दडी मारली..!!
भरवशावर तुझ्याच ना
मी शेतात बियाणं पेरल
तू नाही आलास
डोळ्यात पाणी भरलं..!!
नको होवू असा कठोर
नको लावू जीवास घोर
झाल गेलं सारं विसर
पुन्हा नव्याने बाळसं धर..!!
:
पुन्हा नव्याने बाळसं धर..!!
*****सुनिल पवार.....