|| कृषीदिन ||
×××××××××
देताय शुभेच्छा मानतो आभार
आज आहे नव्ह कृषीदिन..
पण
मी वाट बघतोय मी त्याची
त्याच्या बगैर हाय सारच दीन..!!
चातक झालय माझं मन
जसं युगे युगे वाट पाहतोय
पण
तो येळेत येत न्हाही अन
दिन माझा कोरडाच जातोय..!!
लेकरं आम्ही काळ्या आईची
सर्वस्वी त्याच्याच स्वाधीन
त्यानेच ठरवावं कसं जगावं
का व्हावं आम्ही मरणाधीन..!!
क्षिणले डोळे वाट पाहुन पर
आशेची ज्योत तेवतेय मनात
येईल तो अन होईल सफल दिन
बदलेल सारे तोच क्षणात..!!
**********सुनिल पवार....
No comments:
Post a Comment