|| विचार मी करतोय ||

|| विचार मी करतोय ||
===============
विचार मी करतोय
पाहा पटतो का तुम्हाला..
एक अनोखी भेट
मिळेल तुमच्या पाल्याला..!!

विचारा तर कसं..??
सांगतो तेच तुम्हाला..
करायचं फक्त इतकंच
मुला मुलीच्या वाढदिवसाला..!!
बदलायची जरा जागा
सोडायच भव्य सभागृहाला..
निवडायचं एक अनाथालय
बोलवायचं तिथे परिवाराला..!!
कारण बनेल तेच
बालकांच्या हास्याला..
आशीर्वाद अनमोल
मिळतील तुमच्या पाल्याला..!!
पारावार नसेल
तुमच्या,त्यांच्या समाधानाला..
खात्री आहे मला
हे पटेल नक्की तुम्हाला..!!
छोटासा एक विचार
बदलेल त्यांच्या जीवनाला..
आनंदाचा निर्झर झरा
सांधेल निरागस मनाला..!!
संस्कारचे सुंदर मोती
लागतील अलवार रुजायला..
भविष्याच्या भाळी मग
लागेल माणुसकी सजायला..!!
*****सुनिल पवार.....