********
कुंती तयाची होती माता
पांडवांचा तो जेष्ट भ्राता..
काय वर्णावी कर्ण गाथा
गाथा म्हणू का म्हणू व्यथा..!!
कवच कुंडले घेऊन आला
शापित परी जीवन जगला..
सूर्य पुत्र असता तेजस्वी
सूत पुत्र जने उपेक्षीला..!!
मनगटावर भरवसा होता
कूट नितीस नव्हता थारा..
दान वीर हो त्या सारखा..
नाही जन्माला कोणी दूसरा..!!
महान करून गेले त्यास
कवच कुंड़लाचे अमर दान..
श्री कृष्णे केले गुणगान..
ऐसा वीर कर्ण महान..!!
मित्रांचा हा मित्र दिलदार..
स्व: कर्तुत्वाने होता घडला..
वर्ण द्वेषाच्या जात्यात मात्र..
कर्ण नाहक होता भरडला..!!
कर्ण नाहक होता भरडला..!!
********सुनिल पवार......
No comments:
Post a Comment