आला आला पाउस आला..

बालगीत...
:::II आला पाऊस II:::

आला आला पाऊस आला
बेडूक दादा आला खेळायला..
खुशीत ओरडत डराव डराव
धन्यवाद दिले त्याने पावसाला..!!

आला आला पाऊस आला
मोर थुई थुई नाचु लागला..
एक पाय दुमडून, पिसारा फुलवून
धन्यवाद दिले त्याने पावसाला..!!

आला आला पाऊस आला..
चातकाला आनंद झाला..
एक थेंब चाखून उडाला भुर्रकन
धन्यवाद दिले त्याने पावसाला..!!

आला आला पाऊस आला
शाळेभोवती तलाव साचला..
सुट्टी मिळाली मग शाळेला
धन्यवाद दिले मी पावसाला..!!
--सुनिल पवार...✍️