अथांग सागराला..

अथांग सागराला..

अथांग सागराला नसतो

मनाचा दुसरा किनारा असं नाही..

तू प्रयत्न कर जाणण्याचा

तो स्वतःहून तुला दाखवणार नहीं..!!

कधी लोटून बघ आपल्या मनाची होडी

लाट वागेल जरा वेडी वाकडी..

पण तू विचलित होऊ नको

जरी वारा काढू पाहिल खोडी..!!

वादळ घोंगावत राहील कदाचित

पण तू मात्र शांतच राहा..

कारण प्रत्येक वादळाला अंत असतो

त्यातून तू मार्ग काढत राहा..!!

तो आहे खारट हे मान्य पण

तू आपला गोडवा रुजवणे सोडू नको..

मन त्यालाही आहे हे आधी समजून घे

तू मनाचा संदर्भ केवळ जोडू नको..!!

मग दिसेल तुला मनाचा दुसरा किनारा

होईल आपसूक भावनांचा निचरा..

मग असेना का पहाट, सांज, अथवा रात्र

लोभस असेल किनाऱ्याचा नजारा..!!

--सुनील पवार..

6,180

People Reached

99

Engagements

Boost Post

1313

2 Comments

97 Shares

Like

Comment

Share