|| किस शब्दांचा ||

💝तिच्यातील ती💝
=============
|| किस शब्दांचा ||
============
मी सहज म्हटलं तिला
पटत नाही ग मला
तुझं हे प्रत्येक वेळी
असं
शब्दांचं किस पाडणं..
अन
आवडतही नाही मला
मी
नको नको म्हणता
नाहक ताटात भरून वाढणं..!!

उत्तरली ती हसून म्हणाली
तुला वाटते तसं नाही
हे तर माझ्या
चिकित्सकतेच लक्षण आहे..
माझ्या नजरेनं केलेलं
तुझ्या शब्दांना
हे काळजीच औक्षण आहे..!!
मी चिडलो जरासा
म्हणालो
मग
ओवाळणी असेलच अपेक्षित..?
ती ही सांगून टाक..
हवा कशाला उगाच
माझ्या शब्दांना नेहमीच
तुझ्या नजरेचा धाक..!!
ती हसली पुन्हा
म्हणाली
आता का रे आला
तुझ्या नाकाच्या शेंड्यावर
विनाकारण राग..
म्हणून सांगते राजा
जरा शब्दांना वळण लाव
नको उगाच थयथयाट
म्हणावं
शहाण्यासारखं वाग..!!
मी ही हसलो मिश्किल
म्हणालो
आता पडलाच आहे किस
तर
जरा साखर,दुधाचं बघ..
हलवा बनेल छान गोड
मंद आचेवर ठेव
अन लागू दे जरा
तुझ्या प्रीतीची धग..!!
***सुनिल पवार...✍🏽😊