|| घे पेहराव ||

|| घे पेहराव ||
=========
आज
सांता आला कॉलनीत
अबाल वृद्धांचा त्यास
गराडा पडला..
हो..हो..हो..
गडगडाटी हसत
हात त्याने पोटलीत घातला..!!

अन काय गंमत
मला..मला..मला..म्हणत
पोरांनी,
एकचं गलका केला..
प्रत्येकास देता देता
सांता आला मेटाकुटीला..!!
मी दुरूनच पाहत हो
सारी गंमत
न जाणे कसे
शिरलो त्या गर्दीत
अन
नकळत हात पसरला..
अचंबित झाला सांता
म्हणाला
बेटा
काय पाहिजे बोल तुला..??
उत्तरलो मी
जास्त काही सांता
हरवलंय सुख
मी केवळ मुकलोय त्याला..
हरवत चाललंय बालपण
ह्या बाळाचंही
जरा बदलशील का रे काळाला..!!
हसला तो
म्हणाला
मी शोधलाय उपाय
माझ्या पुरता
तुझाही तुलाच हवा शोधायला..
घे पेहराव माणसाचा
हवं तर
उचल ती पोटली
अन लाग आपल्या कामाला..!!
***सुनिल पवार...✍🏽☃