|| नदी/सागर ||

💝तिच्यातील ती💝
●★●★●★●★●★
|| नदी/सागर ||
=========
काल ती
सहज म्हणाली,
असं
नेहमीच का व्हावं..?
सरितेनं वेडात
सागराकडे धावावं..
अन सागराने मात्र
लाटांशी खेळावं..
सागराचं मन
इतकं
निर्दयी का व्हावं..??

मी हसून म्हटलं
अगं
दिसतं तसं
मुळीच नसतं
म्हणून
सारितेचं मन फसतं..
सागराची ओढ खरी
सारितेकडेच असते
लाटांशी नाते फक्त
निखळ मैत्रीचे असतं..!!
ती चिडली जराशी
म्हणाली,
उगाच थातुर माथूर
बोलू नको..
आणि
नाकाने कांदे
मुळीच सोलू नको..
इतकी मी भोळीही नाही
तू समजतो तशी
विरघणारी
साखरेची गोळीही नाही..!!
मी हसलो पुन्हा
अन जवळ घेत म्हणालो,
जरा निरखून बघ
लाटांना
कळेल तुलाही..
सागराशी खेळता खेळता
लाटा
किनाऱ्याशी लगट करतात
लोक मात्र उगाच
सागराला दोष देतात..!!
आणि
खरं सांगायचं तर
उधाणलेल्या सागरास
सरितेच्याच कुशीत
शिरायचं असतं..
तीच्या गोडव्यास
हळूच
हृदयात भरायचं असतं..
आपले खारे(खरे)पण
तिच्यावर
येथेच्छ उधळायचं असतं..
सारितेच्या प्रवाहात
त्यालाही फेसळायचं असतं..!!
***सुनिल पवार.....✍🏽