|| गुगली ||

💝तिच्यातील ती💝
=============
|| गुगली ||
=======
आज तर तिने गुगलीच टाकला
म्हणाली,
पुरुषांना कधी प्रेम कळलंय का..?
मी म्हणालो
हा काय प्रश्न झाला..??
त्याशिवाय पुरुष मन
स्त्रीकडे वळलय का..??
उत्तरली ती
कारण आहे त्याला
पुरुष भुलतो फक्त शरीराला..?
म्हटलं मी
असतील काही
पण
ह्या सर्वात तू मला
गोवते कशाला..??
ती उत्तरली खोचक
म्हणाली
गोवत नाही रे
एकाच माळेचे मणी तुम्ही
मी फक्त ओवते आहे..
मी हसलो म्हणालो
पण
हिरा ओवता येत नाही
तू उगाच पदर खोवते आहे..?
चिडली ती
म्हणाली
शेवटी तू ही पुरुष
जातीवरच जाणार..?
मी गोंजारले तिला
म्हणालो
जातीचं तू बोलूच नको
मी पुरोगामी
अन पुरोगामीच राहणार..!!
ती चिडवत म्हणाली..
आ हा हा..म्हणे पुरोगामी..
कळलीयं का कधी
स्त्रीची करुण कहाणी..?
उत्तरलो मी
म्हणतात लोक
स्त्री चरित्र फार गहन आहे
म्हणूनच तर समजून घेतोय
अन ऐकतोय तिची वाणी..!!
यावर उत्तरली ती
नुसतं ऐकून उपयोग काय.?
सांग ना..
होतेय कुठे अंमलबजावणी..?
मी हसलो म्हणालो
आज ना उद्या होईल ग
कारण पुरुषच असतो
स्त्री चा खरा कदरदानी..!!
ती हसली छद्मी
म्हणाली..
काय तर म्हणे कदरदानी..
कारस्थानी म्हण कारस्थानी..
उत्तरलो मी
तू म्हण हवं तर तसं
पण लक्षात ठेव इतकेच
नेहमीच असते ती
हृदयाच्या केंद्रस्थानी..!!
कडाडली ती पुन्हा
म्हणाली
असणारच ना..
इप्सित जे साध्य करायचं असतं..
ह्या ना त्या कारणाने
तिला बाध्य करायचं असतं..!!
आता न मी बोललो काही
केवळ तिला जवळ ओढलं..
बोट ठेवले ओठावर
अन डोळ्यात रोखून पाहिलं..
म्हणालो
आता सांगशील मला
फक्त पुरुषच भुलतो का ग शरीराला..?
असेल जर तसेच
तर मग
नेमकं काय म्हणशील तू
तुझ्या ह्या समरसून विरघळण्याला..??
***सुनिल पवार...✍🏽😊