|| उद्यापन ||

💝तिच्यातील ती💝
=============
|| उद्यापन ||
========
काल म्हणाली ती
उद्या शेवटचा गुरुवार
अन शेवटचं उद्यापन
सांगा ना
माझं एक काम करणार..??
म्हणालो मी
करायला हरकत नाही
पण प्रश्न असा आहे
मी केलेलं काम
तुला कितपत रुचणार..?
चिडली ती म्हणाली
थट्टा पुरे
ऑफिसवरून येताना
फळं घेऊन या..
दोन एक डझन वाटायला..
अन पाच मोठी पूजेला
आणि हो तितकीच फुलंही
घेऊन या..
म्हटलं मी तिला
बरं ठीक आहे आणतो
आता
घरच्या (कडक) लक्ष्मीसाठी
इतकं तर पाहिजेच करायला..!!
तिने फेकला
जळजळीत कटाक्ष
मी भासवलं नाही लक्ष
गुपचूप सटकलो ऑफिसला..
येताना
धक्के खात दादरला
घेऊन आलो बाजार
अन
तिच्या हाती सोपवला..!!
ती निरखू लागली
एक एक फळं आणि फूल
अन झाडू लागली
प्रश्नांच्या फैरीवर फैरी
म्हणाली
हे फळं कितीला..?
मग डझनाचा भाव काय..?
हे इतकंच बारीक कशाला..?
अहो
चक्क बनवलं त्यानं तुम्हाला..
मी म्हटलं मनात
हे लक्ष्मी माते
तुझी लीला अगाध
गुरुवार उद्या आहे
पण माझ्यावर
आजपासूनच खणखणाट..?
स्वीकार कर माते
मी नमस्कार करतो तुला..!!
***सुनिल पवार...✍🏽