|| कुणीतरी हवं मात्र ||

💝तिच्यातील ती💝
=============
|| कुणीतरी हवं मात्र ||
===============
कधी नव्हे ते आज,
म्हणाली ती
किती सहज सुचत तुला
कसं जमते हे तुला..
तडाडल्या भुईला
हळुवारपणे सांधायला..!!
हसलो मी,
उत्तरलो
ही तर खरी तुझीच किमया
तू घेते जुळवून
म्हणूनच आवडते जुळवायला..
हळुवारपणा खरा,
तुझ्या हृदयात मुरलेला
मी तर केवळ,
ओलावा दिला तुला..!!
ती गहिवरली,
म्हणाली
इतकेच तर असते,
अपेक्षित जगण्याला..
आणखी काय लागते रे,
नंदनवन फुलायला..?
पण
कोणीतरी हवं मात्र,
पाऊस व्हायला..!!
***सुनिल पवार...✍🏽