|| कुरघोडीच्या राजकारणात ||

|| कुरघोडीच्या राजकारणात ||
=================
कुरघोडीच्या राजकारणात
कोण कोणावर कधी घसरेल
भरवसा नाही काही..
अन
कालचा मित्र आज असेल
असंही काही नाही..!!

उगवणारा नारायण
सायंकाळी मावळणार
हे नक्की..
एकाच माळेचे सत्रे मणी
ही म्हण आहे
तितकीच पक्की..!!
सुपातल्यांनी जात्यातल्यांना
उगाच नावे ठेवू नयेत
भरडणार मात्र दोघेही..
सुज्ञास हे सांगावे लागत नाही
अन मूर्खांच्या बोलण्यात
तसाही अर्थ नसतो काही..!!
उंटावरच्या शहाण्यांचे
दिखाव्यासाठीच असते
बोलघेवडे धडपडणे..
मान कापलेल्या
त्या कोंबडीचे जसे
केविलवाणे फडफडणे..!!
यत्किंचित लोण्यावरून
आपापसात भांडत राहतात
जातीय बोके वाटणीवरून..
अन माकड सारेच पळवते लोणी
कधी नगरसेवक, कधी आमदार
तर खासदार बनून..!!
****सुनिल पवार....✍