वेळावेळ..

वेळावेळ..

एखाद्याकडे वेळ असूनही वेळ मुळीच नसतो..
निदान तो तरी तसेच भासवत असतो..
तर एखाद्याकडे वेळेची कमतरता असूनही त्याचा वेळ जात नसतो..
पण हे त्याला दाखवायची आवश्यकता नसते तर ते सहज दिसून येत असते..
कारण त्या व्यक्तीशिवाय त्याला खरोखर करमत नसते..

एखाद्याच्या कोणी समक्ष असूनही तो कोणाला टाळत असतो..
त्याच्या मागची भूमिका अशी असते की, तो त्याला कंटाळलेला असतो..
तर एखादा कोणी दूर असल्याकारणाने कोणासाठी वाट पाहत ताटकळत असतो..
पण त्या मागची भूमिका म्हणजे त्या व्यक्तीचा त्याच्यावरचा प्रभाव असतो..

समजून तर हेच घ्यायचे असते की,
लोक त्यांच्या सोयीनुसार एखाद्याचे मोल ठरवत असतात..
म्हणूनच आपणच आपले मोल कधी कमी करायचे नसते..
वेळेचं काय.. ती तर येत जात असते..
पण तीच वेळ एखाद्याचे खायचे आणि दाखवायचे दात
सहज दाखवून देत असते..!!
धन्यवाद..
सुनिल पवार..✍️