|| पाऊस ||

|| पाऊस ||
=======
मला आवडत नाही
पाऊस तीला आवडतो..
तीला आवडणारा पाऊस
मला उगाच चिडवतो..!!

मी पाहतो खिडकीतून त्यास
बेधुंद वर्षाव करताना..
यथेच्छ तीज भिजवताना अन्
मला उगाच खिजवताना..!!
पहिल्या पावसाचा थेंब अन् थेंब झेलत
ती वाऱ्याशी खेळत राहते..
मृदु गंधाच्या त्या ओढीने
माझं मन घुटमळत राहते..!!
आता तृप्त होईल ती अन्
नवतीचा बहर लेवून येईल..
सुवर्ण स्वप्नांचे कवडसे
माझ्या मनास नकळत देऊन जाईल..!!
मला आवडत नाही तरीही
पाऊस नजरेस मुग्ध करतो..
तीला बहरताना पाहुन
मी नकळत तिच्यावर लुब्ध होतो..!!
*****सुनिल पवार....