|| मडकी ||

|| मडकी ||
=======
गाढव म्हणनार नाही
पण ओझी वाहताहेत हेच खरे..
मूक बिचारी अशी ती 
कुठे चालली असतील बरे..??

चालती बोलती मडकीच ती
लोकं म्हणतात,
हल्ली अशीच घडवली जातात..
घडण्या समजण्या आधीच ती
पायदळी तुडवली जातात..!!

नाना तऱ्हेची ही मडकी
विविध ठिकाणाहून येत असतात..
भट्टी एकच असते परंतु
नावे मात्र वेगळी दिसतात..!!

उद्या निघतील यातून काही लेबल लागुन
कच्ची, पक्की, फुटकी, आणि गळकी..
बोली बाजारात लागेल
अन् स्विकारेल कोणीतरी त्यांची मालकी..!!

लोक म्हणतात, शिकली सवरली मडकी
आता नोटा कमावू लागली..
पण प्रश्न असा आहे की,
शिकल्या सवरल्या ह्या यांत्रिक मडक्यात
माणुसकीचं पाणी कितीसे गार राहणार..!!
---सुनिल पवार...✍️