||| ध्यास घरट्याचा ||
============
काडी काडी केली गोळा
तरी लागे नेत्री झळा..
एक ध्यास घरट्याचा
झाला पाला रे पाचोळा..!!
होता झूलत नभात
उंच स्वप्नांचा झोपाळा..
आला कुठूनसा वारा
मना उडवून गेला..!!
भेटण्यास सागराला
आले उधाण मनाला..
मार्ग खाच खळग्यांचा
नाही तमा सरितेला..!!
ओढ होती का रामाला
धाडे वनात सीतेला..
जग अग्निकुंड सारे
अंत नसे त्या शिक्षेला..!!
काय म्हणू नियतीला
कसा घातला रे घाला..
स्वप्न ईमला गोजीरा
तिने मातीमोल केला..!!
क्रमशः
--सुनिल पवार..✍️
No comments:
Post a Comment