सूर सुन्या मैफिलीचे..
तुझ्या असण्याने असतात गं
भाव गहिरे मोहाचे।
तुझ्या नसण्याने वाहतात गं
अश्रु वेदनेच्या डोहाचे।
तुझ्या असण्याने रंगतात गं
खेळ चंद्र तारकांचे।
तुझ्या नसण्याने जमतात गं
ढग काळे आशंकांचे।
तुझ्या असण्याने फुलतात गं
फुलोरे मनाच्या सृष्टीचे।
तुझ्या नसण्याने सलतात गं
काटे नसत्या गोष्टीचे।
तुझ्या असण्याने नादतात गं
स्पंदने लयीत हृदयीचे।
तुझ्या नसण्याने भासतात गं
सुर सुन्या मैफिलीचे।
--सुनील पवार..
No comments:
Post a Comment