स्वच्छंद पक्षाप्रमाणे..
स्वच्छंद पक्षाप्रमाणे
उडावेसे वाटते कधी कधी
झुगारून बंधने सारी
वाटते घालावी गवसणी
ह्या विस्तीर्ण आकाशाला
अन् पाऊलखुणाही
न दिसाव्या कोणाला..!!
पण जबाबदारीच्या कात्रीने
स्वतःच छाटलेल्या पंखांनी
जिथे उडी मारणेही अशक्य
तिथे उडावे तरी कुठवर?
म्हणूनच आता
मी आकाशालाच कुंपण घातलंय
अन् त्यालाच
आपले विश्व मानतोय खरोखर..!!
--सुनील पवार..✍️
No comments:
Post a Comment