|| विरोधाभास ||

|| विरोधाभास ||
==========
होरपळल्या जीवनाचे
करपले कोवळे अंकुर
सुकला टिपूस डोळ्यात
नाही लवलेश कुठे दूर दूर
विसावलेली कूसही
दिसे चिंतेत चूर चूर..!!

भूक घेऊन उशाला
जागते हे मलूल जीवन
वाटेवरच्या प्रतिक्षेला
अपेक्षित उदरभरण
भरवते हात
कुठे नाही दृष्टीक्षेपात
अंधुक ही वाट
तरळते डोळ्यात..!!
गर्गेतले वर्तमान
कसे उजळणार भविष्यात?
पराकोटीचा हा विरोधाभास
हेच सत्य निखालस
वास्तव
खितपत पडते नरकात
अन जग गुंतते
केवळ चौकटीतल्या चित्रात..!!
***सुनिल पवार...✍🏼