काय शिकावे..?

काय शिकावे..?
=========
हे कावळे बेरकी
किती सुरात गातात..
अनाहूत सल्ले त्यांचे
ऐन भरात येतात..!!

त्या धूर्त तरसांची
दहशत अशी जंगलात..
की एकट्याने फिरण्यास
आता वाघही बिथरतात..!!
किती कसावी लगाम
यश मिळे ना त्यात..
इथे लंगडे घोडेही
बेताल उधळतात..!!
बुजवावी वाटते
गळकी लेखणी कुलुषित..
अक्षरी किडे घृणीत
डबक्यात वळवळतात..!!
काय शिकावे तरी
मी त्यांच्या शाळेत..
जिथे विद्यार्थ्यांनाच गुरू
मस्तकात पाळतात..!!
***सुनिल पवार..✍🏼