|| तेच प्रश्न ||

|| तेच प्रश्न ||
========
सापडत नाहीत काही प्रश्नांची उत्तरे
शब्दांचे धांडोळे चाळून..
वरवरचीच ठरते मलमपट्टी
मात्र हात जातात पूर्ण पोळून..!!

किती प्यावे हे जहरिले अनुभव
कोळून साखरेत घोळून..?
हृदय तरी छिन्न विछिन्न
स्वप्न जाते क्षणात जळून..!!
गुलाबांच्या काट्याची सल
हल्ली बाभळीस अधिक सलते..
गल्लो गल्ली तोच खल
ही वेदना अधिक मनास खलते..!!
नव्या युगाचा डंका पिटत
येतात तेच प्रश्न,तीच उत्तरे,
अन अंतपुरात ही दरवळणारी
नकोशी वाटतात सुवासिक अत्तरे..!!
***सुनिल पवार..✍🏼