पाऊस..
हिरवळ ही झाडांची
भूल पाडते डोळ्यांना..
पावसाचे भिजवणे
खुलवते गं कळ्यांना..!!
सळसळ ही पानांची
नाचवते मयूराला..
स्वप्न हिरवं पडतं
फुलवीत पिसाऱ्याला..!!
वेड्या चातकाची तृष्णा
थेंबभर पाण्यासाठी..
मेघ मल्हार गातसे
वर्षा राणी येण्यासाठी..!!
गंध श्वासात भरून
वारा वेडापिसा होतो..
वेल बिलगे झाडाला
देह एकरूप होतो..!!
ऋतू पावसाचा वेडा
मनी तळे साठवतो..
पाऊस सरून जाता
हृदयात झिरपतो..!!
--सुनिल पवार..✍️
No comments:
Post a Comment