|| ती आणि ती ||

💝तिच्यातील ती💝
=============
|| ती आणि ती ||
=============
आधी,
तिच्याशिवाय तिचं
पानही हलत नव्हतं
पण अलीकडे
तिचं आणि तिचं
बिलकुल पटत नाही..
आपल्याच मुद्द्यावर ठाम
ती आणि तीही
मागे कोणीच हटत नाही..!!

पूर्वी
तिला तिचा होता
पण आता
लागलाय त्याचा लळा
त्यालाही येतो
तिचाच कळवळा..
पण
तिनेही सोसल्यात तिच्या कळा..
म्हणूनच लागतात अधून मधून
तिलाही नकळत झळा..!!
मग
तिच्या आणि तिच्यामध्ये
तोच सांधतो हळुवार दुवा..
तिला न दुखावता
अन
तिलाही न दुखावता
कारण
ती त्याची रमणी असते..
अन
तीही त्याची चिमणी असते..!!
****सुनिल पवार....✍🏽😊