|| वृत्ती ||

आजच्या दैनिक देशोन्नती वृत्तपत्रात छापून आलेली माझी कविता...
|| वृत्ती ||
======
मी मुसळ म्हणतो
ते कुसळ समजतात..
अन मिटलेले डोळे
उगाच चोळत बसतात..!!

मी दाखवतो एक
ते दुसरीकडे बघतात..
अन हाताच्या कांकणाला
आरशाचा पुरावा मागतात..!!

मी सांगतो गुपित मनाचे
ते जत्रेत मिरवतात..
अन ह्या कानाचा घास
त्या कानाला भरवतात..!!

मी जपतो आपलेपणा
ते सूर तसेच मिसळतात..
अन आस्थेच्या जागा
ते तिऱ्हाईतपणे गळतात..!!

मी लिहतो मनाचे
ते पुस्तकात चाळतात..
अन मनाच्या रोगास
नाहक मस्तकात पाळतात…!!
****सुनिल पवार...✍🏽😊