|| गुलाब ||

|| गुलाब ||
=======
हल्ली
रंग बदलतात गुलाब ही
क्षणात
अन
बदलत जाते
त्यांच्या प्रेमाची परिभाषा..
अदलाबदलीच्या ह्या खेळात
पुसून जातात सहज
निखळपणाच्या रेषा..!!

काल होते ते
मोहक गुलाबी
पण आज
भडक लाल रंगी रंगले..
क्षणिक
सुखाचे स्वप्न सोनेरी
जसे
आज पाहिले
अन उद्या भंगले..!!
तरीही
मी जपलंय मनात
अजूनही
त्यातलंच एक
सुंदर मोहक गुलाब..
पण
ते ही बदललंय आता
नकळत डोकावतं
कधीतरी
आठवणीतून
डोळ्यांच्या कडांतून
तेच रंगहीन गंधहीन
गुलाब..!!🌹
***सुनिल पवार....✍🏽