|| निर्मोही ||

|| निर्मोही ||
========
असूयेने कधीच
तिच्या मनास छळले नाही..
असंही नाही
राधेचं प्रेम तिला कळले नाही..!!

मत्सर तर कधी
तिला मुळीच शिवला नाही..
असंही नाही
सत्यभामेने कधी जागविला नाही..!!
इर्षेने कधीही
तिचे मन सुकोमल जळले नाही..
असंही नाही
मीरेच्या वीणाने छळले नाही..!!
निर्महीच होती ती,निर्मळ मनाची
भार्या,पट्टराणी,रुक्मिणी मनमोहनाची..
पारिजातक ही गंधाळे तिच्याचसाठी
आस तयास तिच्या पावन चरणांची..!!
*****सुनिल पवार...✍🏽