|| अन त्यांनी |

|| अन त्यांनी ||
==========
नुकताच कुठे रांगु लागलो
त्यांच्या सांगण्याने वागू लागलो
त्यांचीच होती री ओढली
अन त्यांनी नाकं मुरडली..!!
 

रांगणे सोडले धावू लागलो
ह्याला त्याला भावू लागलो
न कळे कोणी खोडी काढली
अन त्यांनी नाकं मुरडली..!!

त्यांच्या संगती चालू लागलो
मनातलं मन खोलू लागलो
बाळगली काही स्वप्न वेडी
अन त्यांनी नाकं मुरडली..!!

आता रांगत नाही धावत नाही
मनातलं कोणास दावत नाही
सहजच त्यांची चादर ओढली
अन त्यांनी नाकं मुरडली..!!
****सुनिल पवार....✍🏽