|| सांजवेळी ||

|| सांजवेळी ||
=========
आयुष्याच्या सांजवेळी
तू दिसतेस अजून सज्जात उभी..!!
ते भुरभुरणारे केस तुझे
जणू तारुण्याची अल्लड छबी..!!

हास्य लाघवी मोहित करते
मनी चांदण्यांची उधळण होते
तूच चंद्रकोर देखणी नभी..
आयुष्याच्या सांजवेळी
तू दिसतेस अजून सज्जात उभी..!!
तोच बहर अजून फुलांस
परिमळ धुंद वेड भ्रमरास
मी भ्रमित तुझ्या कैफात सुरभी..
आयुष्याच्या सांजवेळी
तू दिसतेस अजून सज्जात उभी..!!
ही कातर वेळ नयनी पाणी
वळणावरची एक कहाणी
कोण जाणे अंती का आरंभी..
आयुष्याच्या सांजवेळी
तू दिसतेस अजून सज्जात उभी..!!
*****सुनिल पवार....✍🏽