|| आलिंगन ||

💝तिच्यातील ती💝
=============

आलिंगन...

आज ती
अचानक त्याला म्हणाली
कळत नाही का ते..?
पण तुम्हा पुरुषांचा मात्र
नेहमीच कहर असतो..
तुमच्या शब्दांचाही तसाच
सतत आलिंगनावर भर असतो..!!

तो हसला व म्हणाला,
नसते ग तसेच काही
फक्त तुला तसे वाटतेय
खरं तर हा,
निस्सीम प्रेमाचा आविष्कार आहे..
अंतरातल्या ओढीने दिलेला
अंतरात्म्याचा पुरस्कार आहे..!!

ती ही हसली व म्हणाली,
तुला असे नाही वाटत..?
की तू चालवलेला केवळ
शब्दांचा बेमालूम खेळ आहे..
एकांती मज गाठून अशी
तुला साधायची इच्छित वेळ आहे..!!

तो हसला पुन्हा व उत्तरला,
तुझ्या आक्षेपावर माझी
बिलकुल तक्रार नाही..
पण तू म्हणतेस
त्यातलाही हा प्रकार नाही..
हवं तर,
बघ ना एखादा येऊन मिठीत
मला खात्री आहे
तुझ्या तोंडून शब्द चकार निघणार नाही..!!
***सुनिल पवार...✍️