|| गेलो होतो रानात ||

गेलो होतो रानात..

गेलो होतो रानात
मोर भरला मनात..
मी म्हणालो त्याच्या कानात
नाच आंब्याच्या बनात..
मोर म्हणाला नको,नको
काळा पडेन मी उन्हात..!!

गेलो होतो रानात
ससा दिसला बिळात..
मी म्हणालो त्याच्या कानात
चल शर्यत लावू जोरात..
ससा म्हणाला नको,नको
घेरी येईल ना उन्हात..!!

गेलो होतो रानात
माकड होते झाडात..
मी म्हणालो त्याच्या कानात
झोके घेऊ आनंदात..
माकड म्हणाला नको,नको
कायली झालीय रे उन्हात..!!

गेलो होतो रानात
त्राण दिसेना कोणात..
आंबा दिसला पाडात
आणि कोडे सुटले क्षणात..
आमरसाच्या स्वादाने
मोद फुलला उन्हात..!!
--सुनिल पवार..✍🏼