*तिच्यातील ती*

*तिच्यातील ती*
=========
ती म्हणाली :
तुझ्या "तिच्यातील ती" मध्ये
सांग ना, मी कुठे आहे..?
मी म्हणालो :
यत्र तत्र सर्वत्र..!!

ती म्हणाली :
हा तर केवळ उपचार मात्र
बाकी काही म्हणा,
तू चांगलेच जुळवलेस तंत्र..
मी म्हणालो :
तंत्र नव्हे गं, हा तर मूलमंत्र..!!

ती म्हणाली :
उगाच भुरळण्यास
तू शिंपडू नकोस इत्र..?
मी म्हणालो :
त्याची गरज काय?
ते पूर्वपार आहे गं
सर्वांगी सर्वत्र..!!

ती म्हणाली :
बरं मला सांग?
ती कितीशी कळली तुला
का नुसतीच मलमपट्टी नाममात्र..?
मी म्हणालो :
ते मी सांगणार नाही
तूच वाचून सांग ना
काय म्हणतात माझे नेत्र..!!
***सुनिल पवार..✍🏼