।। ही तर आहे लोकशाही ।।

|| ही तर आहे लोकशाही ||
**********************
बाजारात फोफावतेय महागाई
शेत मालास भाव नाही
विरोधाभास म्हणायच नाही
ही तर आहे लोकशाही..!!

नदी नाल्यात पाणी नाही
बाटल्यामधून पूर वाही
टँकर लॉबीचा दोष नाही
ही तर आहे लोकशाही..!!

शेती करण्यास जमीन नाही
अधिग्रहणाची त्यात घाई
दरोड्याची ती केस नाही
ही तर आहे लोकशाही..!!

अवकाळी काही जात नाही
मदतीचा कुठे हात नाही
इच्छा शक्तिची बात नाही
ही तर आहे लोकशाही..!!

गरीबास कोणी वाली नाही
श्रीमंत इथे सवाली नाही
दरी म्हणायच काम नाही
ही तर आहे लोकशाही..!!

लोकांनी केलेले राज्य नाही
लोकांसाठी तर मुळीच नाही
मोजकेच लोक असती शाही
ही तर आहे लोकशाही...!!
*******सुनिल पवार........