।। स्वार्थ+अर्थ ।।
किती जपशील तू माणसा
आपल्या मनाचा रे स्वार्थ..
कळणार तरी तुज कधी
नाजुक नात्याचा रे अर्थ..!!
का चढ़वतो उगा डोळ्यावर
झापड़े अर्थाच्या गुर्मीचे..
कोसळतील क्षणात सारे
डोलारे मदमस्त ऊर्मीचे..!!
का तोलतोस पैशात सारे
शब्द मुखाचे कधी तोलनार..
धन सर्वत्र ना कामी येणार
पण शब्दांनी तू जग जिंकणार..!!
तसे कळतेय तुला सर्व काही
पण वळत का नाही मग..
उर्जित ठेव मनास आपल्या
विझण्याआधी तनाची धग..!!
--सुनिल पवार..
No comments:
Post a Comment