|| जात ||

|| जात ||
********
रहात नाही आग विस्तावात
परी जात नाही जात..
जातीच्या त्या कुबड्या
मजला मिळाल्यात जन्मजात..!!

रांगतोय मी आता कुबड्यांवर
जातीचाच येतोय गहिवर
काढेल कोणी ब्र जातीवर
राग माझा होतोय अनावर..!!

चोऱ्या होतात आता जातीच्या
हातोहात लोक डल्ला मारतात
नावे ठेवत मग जातीला
त्या जातीचेच होवून जातात..!!

सोडा जात बदला विचार
वाचतोय नित्य पुस्तकात..
वाहतोय मी त्याच प्रवाहात
ठेवून जात मस्तकात..!!
******सुनिल पवार......