|| प्रेम,प्यार,इश्क,लव्ह ||

|| प्रेम,प्यार,इश्क,लव्ह ||
===============
हल्ली प्रेमालाही कळत नाही
मौनाची सूचक हळवी भाषा..
बदलत्या प्रेमाच्या परिभाषेत
पदरी पडते केवळ निराशा..!!

वेगवान झालेल्या ह्या जगात
थांबायला कुठे वेळ असतो..?
ह्या फुलावरून, त्या फुलावर
फुलपाखराचा खेळ दिसतो..!!

दिवसेंदिवस विरळ होतेय
हृदयाची अनामिक हुरहूर..
लुप्त झाल्या तरल भावना
हिंसक होतेयं शुल्लक कुरबुर..!!

संयमाची खडतर वहिवाट
चोखंदळत नाही आता कुणी..
विरहाची झालर झाली जुनी
केलीय तिचीच पायपुसणी..!!

प्रेम, प्यार, इश्क, लव्ह
भरता पोट होते बेचव..
क्षणाच्या आकर्षणापोटी
क्षणिक दिसते सर्व उठाठेव..!!
***सुनिल पवार...✍🏽