|| मी देव पाहिला ||

|| मी देव पाहिला ||
============
व्यर्थ शोधू नको
देव दिसणार नाही देव्हाऱ्यात
त्याला शोधायचंच असेल
तर
शोधलं पाहिजे माणसात..
तो
असतो लपलेला
गरजवंताच्या भ्रांतात
नसलेल्या प्रांतात
गरीबाच्या पोटात
किंवा
कष्टकऱ्याच्या हातात..!!

ओळखता आली पाहिजे
आपणास
त्या
प्रत्येकाची नड, निकड
अन
केली पाहिजे तयांस
सहहृदयी मदत..
राबले पाहिजेत तुझे हात
तेव्हाच तो दिसेल
इतरांस
अन
सांगतील ते जगास
मी / आम्ही
देव पाहिला
ह्या सहहृदयी माणसात..!!
***सुनिल पवार....✍🏽🙏